(NLTimes) – Na 2015, Hulanda a prohibi retira empleadonan pa motibo di malesa. A pesar di esaki, ainda ta comun pa trahadonan temporal perde nan trabao si nan ta malo of di otro manera incapaz di traha, Trouw ta reporta.
Un clausula di agencia den e contract, cu tambe ta forma parti di e acuerdo di negociacion colectivo, ta permiti agencianan di empleo termina un contract inmediatamente na momento cu trabao ta termina. E idea tras di esaki ta cosnan manera trabao di temporada, pero tambe por usa esaki pa termina un contract pasobra un trahado temporal ta malo na cas.
Aña pasa, mas di 12mil trahado temporal a termina ricibiendo un bijstand pa malesa, segun cifranan di agencia di bijstand, UWV (Uitvoeringsinstituut Werknemersverzekeringen). Esey ta 3mil mas cu na 2019. UWV a bisa e corant cu esaki ta en parti pasobra mas agencianan di empleo ta inclui e clausula di agenda den nan contract.
UWV ta dicidi si retiro ta hustifica of no. Pero den caso di un clausula di agencia, un trahado temporal cu ta malo automaticamente ta ricibi bijstand di malesa.
Trouw a puntra sindicato FNV tocante e clausula di agencia den e acuerdo di negociacion colectivo. “Desafortunadamente, e provision ey no ta e pio parti di e acuerdo colectivo”, Erik Pentenga, director di sector Flex na e sindicato, a bisa e corant.
Perde bo trabao asina cu bo mira malo ta un incentivo pa bay traha mientras ta malo, segun Nina Zekic, senior lecturer den ley laboral na Universidad di Tilburg, a bisa Trouw. “Sigur cu coronavirus, esaki ta mas cu claro un mal idea.”
