(NLTimes)—Trahadonan a adverti otro tocante clientenan violento mas cu 15 mil biaha den e ultimo 12 luna. Nan a haci esaki den reportahenan via e plataforma Ugly Mugs NL, cual a lansa aña pasa pa Soa Aids Nederland.
Trahadonan di sexo kier proteha nan coleganan cu e reportahenan. Tambe nan kier uzsa e plataforma pa busca cuido of ayudo pa reporta cliente violento na polis, segun Soa Aids Nederland a splica. Iris de Munnik di Ugly Mugs NL ta satisfecho cu e plataforma digital por yuda haci trabou di sexo mas safe.
“Nos mester mira politica cu a enfoca riba e seguridad y deseo di e trahado di sexo,” el a bisa.
Soa Aids Nederland ta critico di un legislacion nobo pa regula trabou di sexo. Segun e fundacion, esey ta bay haci cu trahadonan di sexo ta bira mas vulnerabel pa explotacion y violencia, mientras cu “e caminda pa cuido, ayudo y sosten pa e grupo aki ta birando mas dificil.” Municipionan ainda por implementa nan mesun politica bou di e ley nobo aki, segun e organisacion.
Pero pa via di hopi regla diferente, ta “casi imposibel pa trahadonan di sexo cumpli cu tur cos.” Esey ta aumento e chens di bira victima di violencia, e fundacion a bisa.
Tweede Kamer pronto ta bay discuti e Acto di Regulacion pa Trabou di Sexo. Cu e ley aki, trahadonan di sexo mester registra nan trabou cu nan municipio. Secretaria di Estado Eric van der Burg (Husticia y Seguridad) a reconoce den pasado cu hopi trahadonan di sexo ta contra e propuesta aki. No ta un ofensa criminal si nan no kier registra, pero segun van der Burg, e ley ta diseña pa adresa e hendenan rond di e trahadonan si algo bay fout.
