Trahadonan di Fundacion Ambiente feliz a bay un biaha mas den protesta debi cu e bashipremie cu nan mester a cobra dia 10 di januari nan no a cobra esaki ainda.
Sindicato SEPPA cu ta esun cu ta representa e trahadonan di Ambiente Feliz y a papia cu gobierno riba e situacion aki y ta atendiendo cu gobierno riba e topico aki, pero e trahadonan ta mustra di no ta contento y no por wanta mas. Segun Edmundo Marlin di SEPPA gobierno no a pasa e placa pa e trahadonan y ya caba ta yegando fin di januari y nan no ta mira nan placa di bashipremie ta pasa riba nan cuenta.
Tambe por a compronde cu tin algun fundacion cu si a cobra caba y tin algun no y ambiente feliz ta un di e fundacionnan aki cu e trahadonan no a ricibi nan placa ainda. Loke ta un realidad ta cu gobierno a cubri pa nan salario pero e placa no a yega pa por paga e bashipremie na e trahadonan, esaki ta un situacion cu ya caba ta mira ta bin mirando cu Aruba ta den un situacion di pandemia cu ta un situacion di crisis cu ta pasando rond mundo y na Aruba tambe, esaki ta pone cu tur e beneficionan extra ta keda un banda y e basico cu ta salario si gobierno ta trata di atende cu ne cu ta e entrada prinsipal cu ta nan salario.
Loke cu ta hopi importante ta pa e comunidad realisa cu Aruba ta den un momento hopi dificil y cu nos tur mester por duna bek pa por saca e pais aki padilanti. SEPPA ta spera cu gobierno por bin cu un solucion pa cu e situacion aki pa e trahadonan haya nan placa. Tambe stichting pisina olimpico ta pasando den e mes un situacion di trahadonan di fundacion ambiente feliz cu un total di 18 trahado. E accion cu a tuma luga ta un accion di un ora y ta keda pendiente kico lo sosode pa otro siman y si acaso no sosode nada lo mira kico lo por haci pa atende cu e preocupacion di e trahadonan.
