Na mesa di redaccion di Bon Dia Aruba a yega informacion cu trahadonan di CEA ta preocupa pa varios motibo.
Pa varios aña caba ta purba na reorganisa e cuerpo y den ultimo lunanan esey a bin ta tumando luga. Di parti di nan banda, nan ta expresa cu nan ta contento cu minister Rocco Tjon ken ta dunando e debido atencion pero nan no ta hayando niun informacion ni presentacion di Leiding of sindicalistanan tocante kico ta pasando.
Nan ta sigura cu nan no ta haya informacion riba e reorganisacion den su totalidad, es decir schalering, taak omschrijving, opleiding etc. etc. A bin compronde door di un conferencia di prensa di minister Tjon cu e mester rond e af pero niun trahado no a hay’e pa wak of pa aproba.
Varios trahado ta pega pa aña den nan schaal y otronan trahando directamente cu detenido (bejeging).
Tambe nan ta preocupa pa motibo cu for di aña 2022 no a haya uniforme mas, hoofd van dienst a bay y te cu awe trahadonan no sa di dje, nan ta considera esaki un falta di respet.
Keto bay riba e mesun rumbo djis presenta na trabou sin opleiding, sin bevoegheid y ta bezig ta bewaak/ beveilig Gobernador, Bestuurkantoor, KIA, Ministerio Publico, Corte y otro luganan importante. Nan ta spera cu e mensahe por yega na oidonan concerni of si minister cu poco tempo por informa e trahadonan aki den un reunion general.
