Trahado na aeropuerto ta test positivo pa COVD-19

Awe, Aeropuerto Internacional Reina Beatrix a manda un comunicado di prensa informando tocante medidanan adicional cu ta implementando, relaciona cu un trahado na aeropuerto cu a test positivo pa coronavirus.

“Aeropuerto Internacional Reina Beatrix, relaciona na situacion di COVID-19 a prepara un serie di scenario como preparacion pa kico posiblemente por pasa na aeropuerto. AUA Airport a drenta e siguiente fase di scenario COVID-19, mirando cu aeropuerto a ricibi informacion di un dunado di trabou den comunidad di aeropuerto cu un usuario di aeropuerto a test positivo pa COVID-19”, aeropuerto a bisa den su declaracion. “E situacion actual tabata describi den un di nos scenarionan y AAA ta ehecutando awo e medidanan perteneciendo na e scenario aki den forma organisa.”

“AAA ta trahando pa identifica tur persona cu tabatin contacto directo cu e dunado di trabou kende tambe ta tumando medidanan preventivo.

-Tur empleado di AAA den grupo di riesgo a wordo manda cas inmediatamente pa suspension relaciona cu COVD-19.

-Dunado di trabou di empleado cu a test positivo a tuma precaucion y ta den cuarentena. A cera e luga di trabou en cuestion.

-AAA ta bezig cu e doño di trabou pa identifica otronan kende tabata den contacto cu e empleado en cuestion.

-AAA ta haciendo un limpiesa profundo di e area di trabou en cuestion como medida di precaucion.

-AAA a informa tur empleado di AAA y comunidad di Aeropuerto Internacional AUA di e desaroyonan recien pa cu COVID-19.

Tres empleado di AAA a ser manda cas como medida di precaucion pa auto-cuarentena pa e siguiente 14 dia, como cu nan tabata den contacto directo of indirecto cu e empleado di e compania tercero cu a test positivo.

Keda sigur cu AAA lo sigui implementa su plan di accion den reaccion inmediato na cualkier desaroyo relaciona cu e crisis andando.”