Un tribunal Hapones a condena un ex-trahado di un cas di cuido di anciano pa mata cu cuchiu 19 persona discapacita y herida otro decena di persona den un di e atake masivo mas mortal na Hapon despues di Segundo Guera Mundial.
Tribunal di districto di Yokohama a condena Satishi Uematsu pa asesinato y pa herida otro 24 residente y dos dunado di cuido na centro residencial Yamayuri na juli 2016. Durante investigacion y huicio, Uematsu a insisti cu no ta mustra arepentimento y cu ta purba yuda mundo matando persona cu e ta kere ta un carga.
Grupo di defensa a bisa cu opinion di e sospechoso ta refleha un prehuicio persistente na Hapon contra hende cu discapacidad. E huicio a centra su mes riba e estado mental di e sospechoso na momento di e crimen.
Hues principal Kiyoshi Aonuma a desestima e solicitud pa absolve pa motibo di incompetencia metnal debi na sobredosis di marihuana. “Atake tabata premedita y e acusado tabata actua constantemente pa logra su obhetivo”, Aonuma a bisa, segun television publico.
Fiscal a bisa cu motibo di Uematsu pa e crimen ta di nan prehuicio y experencia laboral di cas di cuido y no uso di marihuana. Nan a bisa cu Uematsu ta mentalmente competente y mester asumi responsabilidad pa su acto.
E asesinatonan tabata similar na un plot describi den un carta cu Uematsu a purba di duna un lider parlamentario algun luna prome cu e atake. El a renuncia na su trabou na e facilidad Yamayuri-en despues cu a confront’e cu e carta y a mand’e den cuido psikiatrico, pero a libere’e despues di dos siman, segun oficialnan.
Uematsu, di 30 aña, a bisa staf medico y oficialnan cu e tabata influencia pa ideanan di lider Nazi, Adolf Hitler, kende su asesinato di persona cu discapacidad tabata mira como intento pa mehora e asina-percibi ‘master race’.
Shinichiro Kumagaya, un pediatra na Universidad di Tokyo cu tin cerebral palsy, a bisa cu e caso ta subraya e prehuicio contra persona cu discapacidad cu ta persisti na Hapon. “Pa elimina violencia contra persona cu discapacidad, ta importante pa henter sociedad comparti den duna sosten na persona cu discapacidad severo”, Kumagaya a bisa.
