Un di esnan cu a scapa su bida den e avion cu a cay na Colombia cu a laga 71 persona morto incluyendo mayoria di team Brazilero di futbol Chapecoense, ta bisa cu nan no a ricibi ningun señal di advertencia durante vuelo. Rafael Henzel, un periodista di 43 aña cu tabata den e vuelo hunto cu e team Chapecoense ta bisa cu nan no a ni wordo bisa pa nan bisti nan faha di seguridad. Sr. Henzel ta un di e seis personanan cu a sobrevivi e tragedia aki.
Investigacion te ainda ta indica cu e avion a cay pa falta di fuel. “E luznan a paga anto e motor tambe. Esey a spanta nos un poco pero nos no a wordo adverti di nada. Nos no tabata tin ningun idea kico tabata pasando,” Sr. Henzel ta bisa.
Fuente: BBC
