(NLTimes) – Varios blokeo cu tractor a preveni polis di yega cerca manifestantenan di Kick Out Zwarte Piet (KOZP) kende tabata rondona y acosa pa hombernan den makeup di blackface riba un offramp di A28 diasabra siman pasa.
Polis di Oost-Nederland a duna un declaracion na Volkskrant riba diaranson, cuatro dia despues di e debacle. Den su prome contesta conciso pa cu e personanan preveniendo e manifestantenan di KOZP di yega na nan manifestacion pre-aproba na e fiesta di yegada di Sinterklaas na Staphorst, polis kier a “refuta parcialmente” e idea cu e agentenan a para un banda y mira con tabata ataca autonan riba salida di A28. Segun testigonan, hende – den nan mayoria homber y hopi cu blackface – a ataca tres auto, tirando nan cu obheto, sacudiendo nan y cortando taira di un auto.
“Cerca di e salida unda cos a bay for di man, tabatin un van di polis cu seis agente”, e vocero a bisa Volkskrant por escrito. Ora e personanan a cuminsa ataca auto, nan a yama pidi refuerso for di riot police, el a bisa. Pero riot police a wordo preveni na caminda pa varios blokeo cu tractor, por ehemplo.
Pues riot police a yega “un tiki despues” y e personanan “inmediatamente a coopera” despues di e prome intervencion. E seis agente cu ya tabata na e escena a calcula cu e manifestantenan agredi tabata mas safe den nan vehiculo, segun e vocero. “Nan tambe a ricibi e instruccion aki for di nan sala di control.”
Y seis agente purbando di actua contra un multitud asina “lo a conduci solamente na un escalacion mayor y riesgo pa e hendenan bao atake”, pues nan a warda pa riot police.
E respuesta di polis a conduci na un gran cantidad di critica. Cientifico di polis Jaap Timmer di VU Amsterdam a bisa NU.nl cu polis y alcalde mester tabata miho prepara pa e escalacion aki. “Nos sa desde Gouda na 2014, despues Zaandam, Apeldoorn y e blokeonan na autopista di Friesland cu esaki ta un asunto sensitivo y complica. Awo polis ta demostrando pa di tanto biaha cu e derecho pa manifesta aparentemente no ta aplica pa tur hende.”
