Departamento di Obra Publico ta informa pueblo di Aruba en general y specialmente nos automobilistanan cu a cuminsa diaranzon 18 di Mei y ta sigui diahuebs 19 di Mei cu ponemento di 2 polisdrumi riba e caminda dilanti di Scol Sagrado Curazon na Savaneta.
Pa e motibo aki ta cera e caminda dilanti di Scol Sagrado Curazon pa trafico.
Rutanan alternativo lo ta indica cu baricadanan y borchinan di aviso.
E trabou lo cuminsa tur dos dia pa 7:00pm y lo termina 3:00am. Ta pidi tur automobilista, negoshinan y otro usuarionan pa tene cuenta cu e inconveniencianan cu lo por surgi pa cual nos ta pidi nos disculpa.
Mas trabou:
Lo cera e caminda entre luz di trafico di Guardian-Fatum te cu Turbo Rotonde Belgiёstraat.
Departamento di Obra Publico ta informa pueblo di Aruba en general y specialmente nos automobilistanan pa tene na cuenta cu diahuebs 19 di Mei departamento di Infrastructura di DOW lo haci trabounan di mantencion riba e caminda entre Luz di Trafico di Guardian-Fatum te cu Turbo Rotonde Belgiëstraat.
Pa e motibo aki e caya ariba menciona lo ta cera pa trafico.
Rutanan alternativo lo ta indica cu baricadanan y borchinan di aviso.
E trabou lo cuminsa pa 9:00am y lo termina 3:00pm. Ta pidi tur automobilista, negoshinan y otro usuarionan pa tene cuenta cu e inconveniencianan cu lo por surgi pa cual nos ta pidi nos disculpa.
