Trabaonan pa renobacion di liñanan di awa di irigacion (Proyecto 9e EDF ) lo sigui den Caya Grandi den e periodo di 15 di februari pa 1 di april.
Durante parti di e periodo aki WEB tambe lo reemplasa un seccion di tuberia di awa di bebe den Caya Grandi. E trabao di cobamento pa tur dos proyecto lo tuma luga den diferente fase. Tur compania y viviendanan lo keda accesibel y e orarionan di trabou lo ser adapta pa bishitantenan por tin acceso na e restaurantnan.
E trabounan Den comienso di juli 2020, WEB como supervisor a inicia e proyecto pa renoba liñanan di awa di irigacion purifica cu mester transporta bek pa hotelnan (proyecto 9e EDF). 65% di e trabounan di cobamento pa e proyecto di 9e EDF ta cla y ta bay continua den Caya Grandi. Na mes
momento cu e trabounan aki ta tumando luga , e departamento di BU-water di WEB ta bay reemplasa un tuberia di awa di hero cuminsando for di Banco di Caribe te cu Caya L.D.Gerharts. .
Na Boneiro tur compania y viviendanan ta keda accesibel pa por ehecuta e trabounan bon y di un manera save, ta cera Caya Grandi den fase. Tur hanchi lo keda accesibel pa trafico local. E acera ta keda accesibel pa peatonnan y e acceso na tur edificio y companianan lo keda mantene. WEB ta pidi bo cooperacion pa lo siguiente:
Tene mas espacio liber posibel dilanti di bo negoshi /of espacio pa parkeer durante di trabounan
Kita bo vehiculo personal/ di trabou na tempo en conexion cu e trabounan.
Tene cuenta cu tempo extra pa transporte, carga y descarga.
Proteha bo porta y bentananan pa eventual stof grof.
En conexion cu e trabounan aki ta posibel cu companianan y habitantenan por experencia stof y zonido duro temporalmente. E contratista Bonairiaanse Wegenbouw Maatschappij (BWM) ta traha continuamente pa reduci e molester den e area.
