Pa varios dia a tuma nota cu e trabaonan di RWA na Palm Beach, specificamente dilanti gasolin stacion no ta avansa. Potretnan ta ilustra cu no tin ni mashin ni hende trahando den e luga y trabaonan ta parce cu a stop.
Algun comerciante rond di e luga a acerca Bon Dia Aruba pa puntra DOW kico ta pasando cu esaki y ki dia e ta culmina? Ya cu na comienso di e proyecto dia 23 di maart a bisa cu esaki lo keda cla den 30 dia di trabao, luna di april a pasa y ainda e trabaonan ta igual.
Bon Dia Aruba a tuma contacto cu DOW pa puntra tocante e situacion. E departamento a indica cu lo duna informacion a traves di un comunicado di prensa, pero te ciere di redaccion no a ricibi esaki.
