E politica nobo di clima ta rekeri un cantidad aproxima di entre 23mil y 28mil empleado adicional pa, por ehemplo, instala panel solar, conecta stacionnan di carga, y instala molino di biento. E problema ta cu menos hende hoben na Hulanda ta scoge un educacion tecnico.
Investigadonan di e consultancy Ecorys a calcula con hopi empleado extra ta necesario den nomber di Dutch Sustainable Energy Association (NVDE).
Simultaneamente, e cantidad di studiante buscando un diploma practico den tecnologia ta spera di reduci cu alrededor di 24mil persona entre 2020 y 2030.
“De hecho, cu un educacion aplica den tecnologia, bo tin garantisa un trabao”, segun Olof van der Gaag, director di NVDE. “E trabao duro riba e transicion di energia tambe ta un oportunidad importante, specialmente den temponan di crisis economico, pero tambe ta un condicion critico pa exito pa politica di clima.”
