Riba Dia Mundial di Turismo a organisa su prome Bonaire Tourism Summit – Congreso di Turismo Boneiro na Courtyard by Marriott. TCB a introduci e plataforma aki pa promove cooperacion entre tur stakeholder turistico. Cooperacion ta un prioridad pa TCB pa progresa awor cu nos a cuminsa recupera, cu nos ta reconsiderando rol di turismo y cu nos ta ocupa nos mes cu reedifikashon di un industria mas miho, mas sano y mas resiliente. Durante e congreso TCB a ilustra su vision riba desaroyo turistico cu un presentacion titula: ‘Boneiro, un comunidad resiliente – Transformando nos hendenan y nos comunidad’. Nos enfoke ta riba desaroyo di un industria di turismo inclusivo, caminda nos ta dirigi nos mes riba un volumen abou, margen halto y experiencianan basa riba balor cu ta forma parti di nos DNA cultura y comunitario. TCB a duna un bista di e puntonan mas principal di su strategia pa haci progreso cu posicionamento di nos isla meimei di competencia mundial a base di DATA y a describi algun desafio importante cu e sector ta confronta na e momento aki.

CEO di TCB, Miles Mercera a bisa: “Ta un capitulo nobo pa nos, despues di un aña yen di reto nos a uza e paro aki pa inventa nos mes di nobo. A renoba y amplia hotelnan y nos a yama empresanan nobo bon bini na nos isla. Mientras nos tabata trahando riba creamento di programanan nobo pa sostene nos comunidad local y pa haci esfuerso di nobo pa sostenibilidad, nos isla mes tambe a recupera den un forma natural. Den hopi sentido pues e periodo aki tabata uno di preparacion, embeyecemento y oportunidad. Nos ta evoluciona, pero nos ta haci esey harmoniosamente – nos no ta cambia e autenticidad y bunitesa puro cu ta haci Boneiro, Boneiro.”

Mas aleu e congreso a yama bon bini na e ‘keynote speaker’ internacional Igor Beuker cu a splica su vision riba desaroyo economico y innovacion. Sigui pa Jody Diamond, director di Diamond Public Relations (Boneiro su compania di relacionnan publico), kende a papia tocante nos strategia como destinacion y tocante nos resultadonan y accionnan pa move padilanti despues di covid. Relacionnan Publico ta un parti fuerte di e strategia internacional di posicionamento di Boneiro. Señor Howard Mann, cu ta forma parti di e team di desaroyo pa servicio di aviacion, tambe a comparti algun idea tocante desaroyonan yi trentnan mundial riba tereno di aviacion y tocante con TCB hunto cu su stakeholdernan ta inverti den futuro posibilidad nan di desaroyo pa servicionan di aviacion.

Señor Rene Paalman tambe a forma parti di e lista cu oradornan cu a dirigi nan mes riba e parti mas importante di nos industria di turismo, esta nos hendenan y e mentalidad di ‘Spirit2Serve’. Innovacion social (empresariado social) ta forma parti di nos plan di recuperacion pa turismo, di cua Rene a ilustra e puntonan principal.

E stakeholdernan turistico di TCB tambe a haya oportunidad pa duna nan aporte na e iniciativanan di mercado di Boneiro na aña 2022 cu sesionnan di ‘break-out’ interactivo cu a wordo di host dor di Claire Sealy, Donna Hudgeon, Elesiër Angel, Veroesjka de Windt y Orlando Fransisca.

TCB y BONHATA ke gradici tur partner cu a sostene e congreso y cu a participa na esaki. Nos lo sigui utilisa nos tempo y energia pa realisa tur meta y iniciativa cu a acorda durante e congreso.

Si bo no por a sigui nos Bonaire Tourism Summit, bishita e ora ey e Facebook página lokal ‘Tourism Corporation Bonaire’ di TCB pa e livestream video.