Tourism Corporation Bonaire (TCB) a yama Amado Vrieswijk bon bini bek na nos isla dia 29 di september 2021. Amado Vrieswijk a participa na Campeonato Europeo Freestyle 2021 na Rhodos, Gresia y a gana e premio maximo. TCB a yama nos Campeon bon bini cu un regalo como muestra di aprecio pa su entusiasmo y dedicacion na su pasion pa Windsurf. Boneiro ta yama bo danki cu bo a pone nos riba mapa y bini cas bek cu e titulo.
Amado a gana e titulo di campeon di e competencianan di European Freestyle ProTour
Theologos 2021 cu a tuma luga dia 13 di september 2021 na Rhodos, Gresia. Awor Amado ta pa
un siman bek na Boneiro pa regarda y despues e lo continua cu su treinnan na Hulanda pa
participa den clase olimpico durante e siguiente evento na Francia for di 22 te 28 di november
2021.
Representantenan di TCB a yam’é bon bini na su yegada na aeropuerto y a entreg’é un obra di
arte traha localmente. Pabien Amado! Boneiru ta orguyoso di bo.
