(TMZ) – Tory Lanez a conta amiga di Meg Thee Stallion su amiga Kelsey Harris cu e tabata bebi riba e anochi cu e tiro a tuma luga, y den audio di e yamada a zona hopi repenti pa loke a tuma luga en audio revela di e rapper su yamada haci for di prizon ora cu el a ser aresta.
Den e audio, cual awo ta circulando online, Tory ta bisa Kelsey “mi tabata asina bebi cu mi no sa kico tabata pasando.” Agregando cu “nunca mi a haci algo asina.. mi no tabata compronde kico tabata pasando. Apesar di esaki, e no ta bay cambia nada ni e ta bay hustifica mi accionnan.”
E rapper Canades a pidi disculpa na Kelsey, bisando cu e ta “pidi despensa” pa loke a pasa. E motibo dicon Tory ta bisa cu e ta bebi, el a splica durante e yamada cu “na momento cu mi a yega e cas, mi ta sigurabo, for di e momento ey nan a dunami 5 shot na e porta. Mi a bay.” Tambe el a expresa cu el a hasta lubida di kico e discusion tabata prome cu e tiro.
Tory a haci e yamada aki despues di su aresto inicial den e incidente di aña 2020 y durante e combersacion e ta pidi Kelsey pa paga pa su libertad. Aunke e audio a cuminsa circula te awo, el a ser usa den e huicio y presenta na e hurado durante e huicio recien, cual ta hopi probabel di a causa e conviccion di e rapper.
Manera TMZ a reporta anteriormente, e hurado a dicidi cu Tory ta culpabel di e tiro den Meg su pia, declarando su persona culpabel di tur 3 cargo den su contra. Actualmente, Tory ta wardando pa su sentencia, den cual e ta enfrentando mas di 22 aña den prizon, y aparentemente e Canades lo por enfrenta deportacion.
