Centro Nacional di Horcan a pronostica ayera cu e trayectorio di e tormenta tropical Dorian lo por acerca mas na e costa sur di Puerto Rico, specificamente pa Cabo Rojo.
Segun e boletin di ayera mainta, ta spera cu e centro di Dorian lo move a traves di e islanan di Barlovento na e lama di Caribe durante e proximo oranan.
E sistema cu ta sigui move via nort oost cu biento di 50mph lo por extende te 45 miya desde e centro.
Ta pronostica cu e efectonan di Dorian lo cuminsa sinti desde oranan di marduga di awe diaranson, cu bientonan di tormenta tropical na e area cu ta extende desde Ponce te Aguadilla.
Di mesun forma, CBH a emiti ayera un aviso di tormenta tropical y di vigilancia di horcan pa Puerto Rico, pa via di e cercania di e tormenta tropical Dorian. E islanan di e municipio Vieques y Culebra no ta inclui den e aviso.
Un aviso di tormenta ta nifica cu Puerto Rico lo por sinti e efecto di e tormenta tropical den e proximo 36 ora. Mientras tanto, e vigilancia di horcan ta nifica cu e condicionnan provoca pa Dorian lo por sinti den e area, den e 48 oranan proximo.
