Irma, e di nuebe tormenta tropical di e temporada di horcan riba Atlantico, a cuminsa forma ayera cerca di archipielago di Cabo Verde, y awor autoridadnan meteorologico ta anticipa cu Irma lo bira horcan mañan (diabierna), ora cu e lo continua su rumbo pa Caribe, Centro Nacional di Horcan (NHC) di Merca a splica.
Irma tin biento maximo sosteni di 50 miya pa ora (85 km/h) y ta move den direccion Oeste cu un velocidad di traslacion di 13 miya pa ora (20 km/h), NHC a comunica den un boletin informativo.
Ayera Irma tabata situa na 420 miya (675 kilometer) na Oeste di islanan di Cabo Verde, dilanti di costa Noroeste Africano.
Awe autoridad ta wardando riba “fortalecimento adicional di Irma den e dos proximo dia,” y pa tal motibo nan ta kere cu Irma lo por bira horcan diabierna, NHC a splica.
