Bo por stop website di mira kico bo smartphone ta haci online. Sorry, no tin version pa iPhone.
E browser pa no laga ningun rastro di Tor Project awo ta dispopnibel pa celular Android. E Tor Browser ta depende di un red di server cu ta manda peticion di red riba varios link intermedio, pa sconde ken bo ta di berdad ora bo bishita un website. Esey por ta util si bo no kier wordo sigui – sea bo ta un activista purbando di evita monitoreo di gobierno of djis un persona ordinario purbando di keda fuera di alcance di compania di propaganda.
“Browsing riba celular ta creciendo rond mundo, y den algun parti, ta comunmente e unico forma con hende tin acceso na internet”, Tor a bisa riba nan blog ayera. “Den e mesun areanan, tin vigilancia pisa y censura online, pues nos a haci un prioridad pa alcansa e usuarionan aki.”
E software ta basa riba Mozilla Firefox, un proyecto ‘open-source’ cu cualkier persona por modifica. Desaroyadonan di Mozilla y Tor a traha mas cerca di otro riba nan dos proyecto den añanan recien.
E modo ‘priva’ of ‘incognito’ di browser ordinario ta elimina record di cua pagina di internet bo a bishita riba bo celular of laptop. Tor ta elimina record for di e paginanan tambe. Sinembargo, uzo di dje por causa inconveniencia, manera testa pa demostra cu bo ta un robot, of pagina cu ta aparece den idioma robes.
No tin version pa iOS, pa motibo di ‘restriccion di Apple’, Tor a bisa den su anuncio. Tor ta dirigi usuario di iPhone y iPad pa uza un otro app, yama Onion Browser. Apple no a duna comentario.
