(AP) – Sierra Leone su president a declara un toque de queda nacional riba diadomingo despues cu hombernan arma a ataca e kazerne militar principal y mas grandi na e nacion West Africano su capital y despues a drenta centronan di detencion incluyendo un prizon grandi.
E atake aki a trece miedo cu ordo lo cay den medio di un aumento di golpe di estado den e region. E centronan di detencion, incluyendo Pademba Road Prisons, cu mas di 2,000 deteni, a ser ataca net despues cu forsanan a lucha pa restaura calma durante tironan na e kazerne militar Wilberforce, segun Minister di Informacion Chernor Bah. “A drenta e prizonnan y algun di e prizoneronan a ser secuestra pa e atacadornan mientras otronan a ser libera,” Bah a expresa. Forsanan di siguridad a logra “pusha back” e atacadornan na partinan pafo di e ciudad unda e lucha a sigui.
Den respuesta na e atakenan aki, e President Julius Maada Bio anteriormente a declara un toque de queda nacional den respuesta na e atakenan. “E forsanan di siguridad ta haciendo progreso den e operacion pa combati y deteni e personanan responsabel pa awe su atake,” Bah a expresa. “E gobierno a permanece den control y altanto di e situacion.”
E president y e pais su Ministerio di Informacion y Educacion ambos a bisa cu e gobierno y e forsanan di siguridad ta den control di e situacion, purbando alivia e miedonan di posibel escala di e violencia den e pais unda e poblacion di 8 miyon persona ta entre e personanan mas pober na mundo, cu un di e puntuacion mas abao den Nacionnan Uni su indice di desaroyo.
No a duna detaye inmediatamente tocante e causa pa e atakenan aki, cual ta bini lunanan despues cu a reelegi Bio pa un di dos termino den cual e partido principal den oposicion a acusa e comision electoral di a mishi cu e resultado.
