Cardinal George Pell, un consehero di Papa Francisco y oficial di tercer ranking den e ‘Holy See’, ta retirando for di e Vaticano pa bringa acusacionnan historico di abuso sexual na su pais natal Australia.
E caso ta un mancha recien contra misa Catolico, cu ta enfrentando casonan di abuso sexual tras di otro pa basta decada caba. Esaki tambe por trece consecuencia pa Papa Francisco, kende ta considera Pell como un di su asociadonan di mas cerca. Autoridadnan di Australia no a publica ningun informacion riba e caso ni lista di acusacionnan contra Pell, bisando solamente cu ta trata di varios keho entrega. Pell ta declara den un rueda di prensa cu e ta victima di intento di daño na su reputacion. “Mi ta inocente di e acusacionnan aki, nan ta falso,” el a bisa.
