(AP)—Tony Bennet, e stilista eminente di ken su devocion pa canticanan clasico America y carera largo den un epoca moderno, a fayece diabierna. E tabatin 96 aña.
Publicista Sylvia Weiner a confirma esaki na AP, bisando cu el a muri na New York. No tabatin un causa specifico,pero Bennet a ser diagnostica cu Alzheimer’s na 2016.
Bennet a bisa frecuentemente cu su ambicion tabata pa crea “un catalogo di canticanan exitoso,” cu cual el a cumpli via mas cu 70 album, ganado 19 premio Grammy. Si su cantamento y bida publico tabatin falta di e drama manera Sinatra, Bennet a atrae hende cu un comportacion calma y di cabayero, y un tenor rico cu a haci’e un maestro den domina un balada of pa implementa alegre den un cancion.
Bennet a ricibi varios premio y reconocemento for di su compañeronan cantante, pero ningun tabata asina special compara cu ora su amigo y mentor Frank Sinatra a bisa den un entrevista na 1965: “Pa mi placa, Tony Bennet ta e miho cantante den e industria. E ta emociona mi ora mi mir’e presenta. E ta e cantante cu ta cumpli cu kico e compositor tin den mente, y probablemente mas ainda.”
Na 2014, na edad di 88 aña, Bennet a kibra su mesun record como e presentador mas bieu bibo cu un album Nr. 1 riba e Billboard 200 chart pa “Cheek to Cheek,” un album colaborativo cu el a haci cu cantante Lady Gaga. Tres aña prome, el a haya exito tambe cu e album “Duets II,” cual a inclui varios artista moderno manera Gaga, Carrie Underwood, y Amy Winehouse como su ultimo grabacion den studio.
Pa Bennet, un di e presentadornan pa move facimente entre pop cu jazz, e colaboracionnan tabata parti di su campaña pa mustra e audiencia di un generacion nobo loke el a discribi como e Great American Songbook.
“Ningun otro pais a duna musica asina fantastico,” segun Bennet den un entrevista na 2015. “Cole Porter, Irving Berlin, George Gerschwin, Jerome Kern. E canticanan di nan nunca lo muri.”
Publica na 1962, su cancion “Left my Heart in San Francisco” a bira un fenomeno popular, manteniendo su posicion riba e lista pa mas cu dos aña, proveendo Bennet su prome dos Grammy, incluyendo pa “record of the year.”
Bennet lo sigui gana Grammys pa su tributo na vocalistanan femenino legendario, manera Bilie Holiday, y Duke Ellington y Louis Armstrong tambe.
Su album “Duets: An American Classic” na 2006 a inclui Barba Streisand, James Taylor, Paul McCartney y Stevie Wonder, den su manera preferi pa graba musica—cara a cara den e studio. “Esakinan tur ta gigantenan den e industria, y diripiente nan ta bisa mi cu ami ta e maestro,” Bennet a conta AP na 2006.
Bennet a canta tocante San Francisco, pero su curason ta pertenece na Astoria, e comunidad laboral na New York, unda el a crece como Anthony Dominick Benedetto durante e Great Depression. E cantante a scoge su bario como e sitio di e scol secundario “Fame”-style y e Frank Sinatra School of the Arts, cu e cu su casa, Susan Crow Benedetto, a yuda funda na 2001.
