Tom Calame ta Gerente General di Marriott y a duna su comentario riba e tema actual cu ta All Inclusive. Den su palabranan el a splica cu nan a scucha di esaki aña pasa durante e benta di Radisson Hotel y e intencion pa regula all inclusive a wordo treci dilanti pa gobierno.
E posicion di Marriott no ta saludabel pa Aruba como pais pa cuminsa regula modelonan di prijs y kier a mira un diferente strategia pa acapara All Inclusive, ya cu nan ta pensa cu por crea problema den tur frente, mas parti financieramente, relaciona na e habilidad pa refinancia balor di propiedad, ya cu e ta crea instabilidad y tambe un ambiente competitivo inhusto.
Marriott su modelo di prijs no ta pakete. Nan ta bende nan camber separa di cuminda y bebida. Sinembargo e rason pakico ta pensa dicon e no mester wordo regula pa ley, pasobra hotel mester por reacciona na dinamica nan di mercado rapidamente y no mester warda riba intervencion di gobierno pa ahusta strategianan di mercado. Mercadonan ta cambia. E booking window ta hopi luna delanta y mester ta flexibel pa reacciona na e mercado manera cu ta haya ta bon.
Actualmente no ta bendiendo pakete riba un escala grandi, pero no sa nunca kico por pasa den futuro.
Marriott tabata tin varios reunion y e regulacion cu ta wordo presenta awor aki tambe ta envolvi otro acomodacion cu ta aplaudi. Ta pensa cu otro acomodacion ta hopi iregular y pa e salud di e economia y siguridad di e clientenan cu ta bin Aruba, ta bon pa haci algo. Ta pensa cu e parti di All inclusive mester wordo kita for di e ley actual y mester wordo reevalua y otro modelonan mester sigui un legislacion pa haya e manera pa acepta all inclusive y haci esey parti di e landscape economico di Aruba.
Calame a splica cu si ta limita den bo habilidad den dinamica di mercado no sa kico por pasa den futuro. Un di e cosnan cu ta bin den e front ta cu e balor di e propiedad ta bira menos balor compara cu otro propiedadnan cu ta inclui all inclusive, pero tambe e restriccion di e cantidad maximo di pakete cu por bende, por limita bo habilidad e reaccion riba mercado y ta duna un desbentaha riba e otro propiedadnan na Aruba na final por tin un efecto economico riba e populacion di e hotel, pero tambe riba e economia di Aruba den su totalidad.
Tom Calame como gerente general di Marriott, a agrega cu e peticion di AHATA cu e hotelnan ta mescos, pa para un banda pa sigui cu e ley aki y pa envolve tur hende, pasobra esaki ta mas cu turismo so mester ta envolvi den e discusion tambe. Pero tambe e asociacion di hotel y otro hendenan den e mundo di turismo pa haya un solucion apropia pa deal bon cu all inclusive y acepta all inclusive den e panorama economico.
