Diasabra marduga despues cu e evento di mma a termina den Entertainment Center varios hende por a scucha varios tiro.
Mes ora a manda varios patruya pa e area. A wordo bisa cu e persona herida lo ta den Stadionweg, loke no tabata e caso. Despues cu patruya a core algun rato rond nan ta bay parti pabou di Stadion, esta Stadionplein y Beaujonstraat caminda un pick up Mitsubishi tabata staciona ariba acera.
Ey ta caminda cu e caso lo a tuma luga. Na e sitio ta bin haya varios huls y na e auto probablemente impacto nan di bala ora cu nan a tira.
Informacion nan cu autoridad a haya tabata bisa cu e persona herida lo a wordo transporta den auto di famia mes ora pa hospitaal.
Na hospitaal ta yega un homber tur na sanger, y cu varios impacto di bala na su curpa, caminda un di e bala nan lo a alcansa su abdomen o sea su barica.
Patruya y recherche tambe a yega eerste hulp pa asina pone nan mes na altura di e caso lamentabel aki. Segun nos tin entendi cu aparentemente e homber tira ta un atleta conoci den e mundo di arte marcial.
