Un dama a fayece y seis otro persona a keda seriamente herida despues di un tiramento
na un iglesia den estado di Tennesse, Merca. E sospechoso a drenta arma cu su cara tapa anto cuminsa tira riba e publico te ora un persona den e publico mes a confront’e cu un arma di candela. E sospechoso a tira su mes mata eynan mes net prome cu autoridadnan a yega na e sitio.
E sospechoso a keda describi manera un hoben di 20 aña. Autoridadnan ainda no a determina e motibo tras di e tiramento, pero vocero di polis a laga sa cu cierto artifectonan a wordo haya cu lo por yuda e investigacion. Polis a bisa cu no ta conoci tampoco si e sospechoso tabata tin algun tipo di conexion cu e iglesia. Su identidad ni identidad di e victimanan a keda publica ainda. Algun di esnan herida ta den situacion critico. Tabata tin mas o menos 50 persona den e iglesia. Tur e victimanan ta adulto. E pastor di e iglesia a keda tira den pecho anto ta hayando tratamento den hospital, segun su yiu a declara riba e stacion di noticia local.
Fuente: News.AU
