E ciudad di Utrecht a conoce awe un posibel acto di terorismo na momento cu pa 10.45 di mainta, a sosode un tiramento den un tram. Esaki a pasa den cercania di 24 Oktoberplein, cu ta keda na e parti west di e ciudad.
Te na e momento aki no ta mucho cla di kico a sosode of kico ta e causa di e tiramento. E nivel di seguridad pa e ciudad a ser hisa na esun mas halto ya cu no ta descarta un acto di terorismo. Prome minister di Hulanda Mark Rutte a pone un stop na e reunion di coalicacion cu e tabata atendiendo pa asina por atende cu locual cu ta pasadando ya cu e ta ser considera un situacion sumamente alarmante.
Mas informacion ta sigui den corant di Bon Dia Aruba di 19 di maart. Potret cortesia di nos.nl.
