Diadomingo 3 di januari alrededor di 00.45’or, Central di Polis a dirigí algun unidad di Rio Canario i Otrabanda pa Helmin Magno Wiels Bulevar na altura di Moontjeweg, pa un caso di tiramento. For di investigacion preliminar a sali na cla cu probablemente tabatin un persecucion entre dos vehiculo ku a cuminsa riba Moontjeweg. Durante di e persecucion aki, ocupantenan di un vehiculo lo mester a los varios tiro dirigi riba un auto di famia.
Riba Helmin Magno Wiels Bulevar e auto di famia den cual tabatin 6 okupante, di kual un pareha y 4 menor di edad, a bin dal contra di vangrail i para.
Tanto e homber, manehando e vehiculo komo e dama i 2 menor di edat, a risibi heridanan di bala y a keda transporta cu urgensia pa poliklinika pa risibi tratamento mediko. Dos otro menor a sali ileso for di e incidente aki.
Alrededor di mita di 6 di mainta a drenta noticia na Central di Polis ku e dama ocupante Janishairah Jano naci na Hulanda dia prome di maart 1989 a bin fayece a consecuencia di e heridanan ku el a sufri.
Den e auto, polis a bin topa un arma di candela cu a keda confisca. Investigashon den e caso aki ta continua.
