E morto di Nathaniel Tennosuke Berhow, un hoben di 16 aña di edad, kende a mata 2 studiante y herida otro tres na scol secundario sur di California, ta laga investigadonan lucha pa descubri e motibo di e atake.

Segun amigonan y bisiña, Berhow tabata un hoben pret, keto y normal, prome cu el a saca un arma di candela y cuminsa tira, pa na final tira su mes na su cabes. Su mama tabata presente na hospital ora di su fayecimento.

Berhow no a mustra señal di violencia y no ta conecta cu ideologia di grupo terorista. Despues di mas di 40 entrevista y buskeda na su cas, ainda autoridad ta den scuridad pa sa e motibo, tampoco por a haya un nota di suicidio of un carta.

Pero segun sheriff Alex Villanueva, Berhow a planea henter e situacion, pasobra el a conta su ronda pa despues warda e ultimo bala pa su mes. Berhow su mama a lag’e na Saugus High School mainta, riba su mesun hacimento di aña. Camara di siguridad a graba ora el a habri su tas y saca su arma pa cuminsa tira.

“Mi conoc’e for di ora nos tabatin 5 aña, e tabata mi bisiña. E por a haci ken cu ta contento”, studiante Joshua Mourthi a bisa KABC- TV. Segun amigo di Berhow, e tabata introverti, pero e tabatin su pareha y un bon red social.

Berhow su tata a muri dos aña pasa. Polis ta bisa cu a haya varios arma di candela na su cas y algun no tabata registra. E mesun arma cu Berhow a uza tampoco tabata registra. Bureau di Alcohol, Tabaco, Arma di candela y Explosivo ta trahando cu polis pa determina con Berhow a haya e arma.

“E imagen comun di un persona cu tira ta un persona cu semper ta su so, straño y socialmente incomodo, algun tendencia di violencia y ta pone cosnan straño riba rednan social”, Villanueva a bisa. Sinembargo, cu Berhow no ta haya nada fuera di lo ordinario.

E stereotipo di e sociopata no ta exacto, segun ex- psicologo Marissa Randazzo, kende a skirbi pauta federal pa evalua menasa di tiramento na scol. El a entrevista 5 persona kende a tira, mayoria di nan tabata academicamente exitoso y no tin mucho problema social.

“Locual ta pusha mayoria di tirado ta algun tipo di perdida of decepcion, sigui pa incapacidad di por deal cu un sentimento of haya nan mente demasiado yen. Ta actonan tanto di suicidio como di homicidio”, Randazzo a bisa, kende tabata hefe di investigacion di servicio secret di Merca, awo CEO di evaluacion di menasa.