Tin poco contradiccion pa locual ta negoshi di huur apartamento na Aruba

Actualmente tin hopi hende cu ta trahando apartamento pa huur riba tereno di nan cas pa ofrece esaki  na turista y hende local. Bon Dia a bay haci un investigacion mirando cu tin hopi contradiccion tras di esaki den e sentido cu tin hende ta pensa cu esaki ta algo cu ta beneficia e economia di Aruba, y otronan ta bisa cu esaki ta afectando nos sectornan di hotel. Na un conferencia di ATECH aña pasa, un experto den panel a comenta cu Aruba mester tene cuenta cu desaroyo manera Airbnb (Sharing Economy) pa motibo cu esaki por afecta cierto industria manera hotel. 

Manager di Quality Apartments na Schotlandstraat ta conta Bon Dia cu nan no ta wordo afecta mes di esaki pa motibo cu nan tin un sistema completamente diferente y tin cliente fiho cu ta kedando cerca nan pa basta aña caba. Sinembargo, gerente di Sasaki Apartments ta splica Bon Dia cu nan si ta wordo afecta pa motibo cu tin hopi turista, mayoriamente Venezolano, cu ta bin buska estadia cerca nan pero nan no tin suficiente fondo pa huur un camber eynan y ta obliga pa keda un otro caminda cu por huur nan un camber pa hopi mas barata.

Keda pendiente cu e siguiente edicion di e corant Bon Dia pa mas informacion.