ORANJESTAD – Awo cu e situacion ta envolvi no solamente menasa cu a circula riba rednan social, pero tambe cu e problema di persona cu ta drenta den un forma ilegal na Aruba, Bon Dia Aruba a puntra minister Andin Bikker si lo pone mas siguridad, pa evita cu persona cu mal intencion drenta Aruba.
Segun e mandatario ta bisa cu amplia e siguridad di basta tempo. E direccion di helicopter, e radar ta pendiente, pa finalisa e proceso pa activa cu kustwacht tin cu siguridad di frontera.
“Nos a introduci cu cuerpo policial, esunnan uniforma, pa supervisa a base di e ley LTU di admision,cu di aña pasa e record di persona cu ta traha indocumenta mester bandona e isla. E siguridad na nos frontera ta a base di esaki, pero nos tin hopi tempo ta duna atencion na dje”, e mandatario a bisa.
Riba e video a menasa director di institucion anto segun e mandatario ta tuma esey na un manera serio. E ta bisa cu ta di lamenta e situacion di e pais Venezuela. “Nos ta maneha rigido pa locual ta trata nos ley di expulsion. Na final di dia 116 mil habitante. Nos tin structura y no por adopta situacion di otro pais. Mester mantene un maneho stricto.”
El a remarca cu aña pasa di 23 atraco, mas cu 14 tabata sospecha di origen di Venezuela. E menasa hunto cu arma den man cu a ser ricibi ta considera un crimen. E ta bisa cu tin persona cu ta drenta cu menos bon intencion.
Nan ta tuma menasa na un manera serio pa persona y na un instituto. E ta bisa cu ta inaceptabel pa persona haci menasa y tuma preocupacion necesario. “E seriedad di situacion social ta desenfoca den acto y menasa criminal.”
