Mi hendenan! Ki dia muchanan ta bay scol bek? Cua ta e mamanan cu ta contento? Looking forward? Ban ta honesto mi hendenan, nos tur sa cu pa deal cu mucha mester pasenshi y no ta nos tur tin hopi di esey.
Tiki di mi bida personal, Mi iha ta bay haci 7 aña otro siman y e tin nos cansa pasobra ta un fiesta di “poop emoji” e kier. Ami no sa con mi bida no ta un serie ainda. Kico? Si e mucha ta loco cu e kier un fiesta di “poop” mas loco ta e mama cu ta cla pa complace y el a manda ordo tur cos. Ami no por, pio ainda ta cu ami como madrina mester contribui tambe y play along cu e payasada. Tende, cualkier hende eyfo cu tabata considera mi manera madrina di nan yiu of futuro yiu. Sorry, its a no from me. Ta basta. Boso ta cana laga mucha cu Ipad den man, nan ta wak un of otro locura anto dicidi cu nan tambe kier. Pasobra ta ken a bisa mi Iha cu “poop emoji” lo ta un tema leuk pa un fiesta?! Boso cuminsa monitor ta kico e muchanan ta wak online.
Pero bon, den dos siman mi tin cu bay Hulanda bek via Corsou. Esey kiermen mester tuma Insel Air, kiermen nos tur mester cuminsa resa desde awo pa mi no keda atras. Mescos mi tabata loco pa bin, e berdad ta tambe cu ya caba mi ta loco pa bay. Sinceramente bida na Aruba ta demasiado caro y mi ta struggle pa “have fun” si pa delaster un cos mi tin cu paga mita pecho. Hopi duele mi tin di tur hende cu ta biba riba e isla ki cu un entrada abou, prijs di bida no ta solamente ridiculo e ta na e punto cu e ta algo literalmente inhumano.
Bayendo bek na e titulo y con necesario e ta pa isola bo mes tin ora, esaki ta un topico cu mi a papia di dje den pasado caba, pero awo specialmente cu tur e drama di politica tur caminda e ta mas importante cu nunca. Redenan social, den mi opinion ta sumamente toxico den e dianan aki. Bono por habri Facebook of Instagram si un “sponsored” video di algun politico den bo cara. Ki dia, mi tabata masha trankil ta adapta e size di un di mi potretnan riba un app yama “instasize” ora cu asina un poster di Evelyn Croes a sali recordando mi pa vota pa e cambio. Wel, mi no por vota y mi no ta aprecia propagandanan politico 24/7.
Hopi vreselijk e cos aki ta.
No ta tur hende tin e privilegio di saca “me time”, ban cuminsa na admiti esey. Pero den mi perspectiva, tin ora mester tira tur cos un banda y pone prioridad na ta cu nos mes. Sikiera 30 minuut, pa structura nos pensamentonan, bishita nos metanan, podise pone un nobo, duna nos bida un “review” y djey sigui. Entre purba di sobrevivi costo di bida, wak pa nos famia, haci tur cos bon na trabao, etc. E ta asina facil pa lubida riba nos mes, lubida cu tin ora pa eleva nos bida nos tin cu isola nos mes, paga e telefon, e television, e radio, wak den spiel y puntra “Y abo? Con bay cu bo? Abo ta feliz? Bo ta satisfecho cu e bida cu bo ta hibando?”
