Mi hendenan! Conta? Djis ta ora di yena maleta y bay bek caba locual cu tanto entusiasmo mi a cuminsa. E letranan di dushi bida ‘nos tin e cosnan di mas bunita’ a caba tuma un nificacion nobo. Laga mi conta boso…
Ta asina cu nunca mi a pensa un poco mas leu riba dicon bay studia leu di cas tabata un necesidad asina grandi. Porfin mi a comprende si dicon nos ta encurasha tur studiante bay. Mensen! Nan no ta laga mi siña. Miho bisa, niun hende ta respeta cu mi tin cu siña, tur hende ta pensa riba trip y bay come fastfood. “Stop di haci laf, ban check Mc Donalds!” “Ey ki bo ta haciendo?, ban dal un bocht no?!” Ey ayo siñamento. Mientrastanto dia 21 mi ta yega y dia 22 mi tin un examen. Pero bon, mi amigo a invita mi bay haci un excursion cu ne. Nos a cuminsa na San Nicolas djey bin abou, mira aki. E cantidad di informacion y secretonan cu e homber aki a comparti cu mi tabata ridiculo. Mi ta supone mi tin contexto pa full e aña cu ta bin. Segun mi amigo, lo unico cu ta salba Aruba di wordo completamente domina pa Hulandes mescos cu Bonaire, ta cu hopi tera na Aruba ta eigenlijk pertenece na Americano y nan no kier bende esakinan bek na Hulandes. Tambe el a comparti some insights cu mi di tempo di Lago y con Colony cu Village tabata completamente segrega. Si bo tabata tin manera di prueba cu bo ta parti di elite club di Colony bo simplemente no ta drenta.
El a bisa mi cu e brochure cu nan tabata parti pa Americanonan na Merca pa convence nan pa bin Aruba traha tabata parce cosnan saca di un revista. Hopi cas na Colony ta pertenece na Venezolanonan cu placa tambe. Y e condominionan cu nan ta trahando ariba na Colony ta pertenece na yiu muhe di difunto Hugo Chavez. Pronto nan lo prepara tur cos pa nan yatenan priva cuminsa drenta. Otro cos, claro tur esaki ta locual mi a tende. Segun mi amigo, Aruba tin hopi oro ainda y tur e areanan ey den Arikok cu sin motibo valido ta prohibi pa publico tin hopi di haber cu ne. Tambe ta un realidad cu Aruba tin e piedra Hooiberggiet. Mi amigo a comenta, cu e piedra ey solamente ta wordo haya den proximidad di unda tin diamanta.
Kiermen we’re sleeping riba tur nos rikesa? Mi Dios, ami si a scucha storia den un solo dia. Mi a keda di berdad fascina. Y tur siman mi lo purba di comparti un tiki mas cu boso. Podise mi storia faborito tabata esun di muhenan cu ta bin Aruba pa prostitui y despues di 1 siman nan ta dicidi cu nan no kier haci e trabao mas. Con, segun mi amigo tabata tin gaynan tabata bin busca nan na e bar despues cu e cera y smuggle nan aeropuerto pa manda nan bek nan pais. Con e doñonan di bar tabata bira loco riba nan. Next time mi bin Aruba, mi amigo a set up un entrevista pa mi cu un ex prostituta of den miho termino un sex worker. Mi ta sigur esey ta one for the books. Pero bon, ban lag’e te aki. Otro siman tin mas bomboshi y mi lo purba di papia di un solo tema specifico. Ambiente!
