Aunke Jeanifer Figueira actualmente ta na Aruba disfrutando di un vakantie cerca famia, e hoben di 21 aña ta studiando Pedagogisch medewerker na Albeda College na Rotterdam. Un decision cu el a tuma despues di basta turbulencia. Den e edicion aki e ta conta Bon Dia Aruba su storia.
Figueira ta conta cu e nunca a imagina su mes tabay Hulanda :“Na aña 2014 mi a dicidi hunto cumi ruman y su chik pa bin studia na Hulanda. Mi nunca a mira mi mes ta studia na Hulanda, si un hende mester a puntram unda bo lo tabata kier a studia na prome instante? Mi lo por a contesta tur pais/isla menos hulanda. Mi semper kier a bay Merca, pero pa motibo cu bono ta haya mucho lening eta bira extra moeilijk, si bo mes tampoco nota financieramente cla pa paga un bon parti tambe. “
Storia falso
Segun e hoben su prome opcion semper tabata pa studia Chemie mas sinembargo despues di a druip el a cuminsa cuestiona si di berdad esey lo ta un bon opcion. “Mi a logra haya poco informacion di par di amiga over di nan estudio. Anto esun cu a catch mi interes tabata Communicatie. Mi amiga mes tabata hasiendo e na ingles, pero e scol cu e tabata bay tabata of ja ainda tin un mal nomber y reputacion. Mi no tabata di tuma e riesgo tampoco ey, so mi a dicidi di hacie na Hulandes na Hogeschool Rotterdam. Ora bo lesa over di e opleiding nan ta contabo ful un storia bunita, ilusiona bo. Ora bo cuminsa bo opleiding e ta completamente otro. Esaki ta e motibo dicon mayoria studiante nan ta cambia na estudio den e prome aña caba. Tanten bono cumins’e, bono sa ki e opleiding ta encera. Despues di 5 luna, midi mino kier sigui e opleiding, pero tampoco mi kier a warda te september pa cuminsa un otro.”
Cambia pa MBO
E hoben ta conta cu despues di basta lucha, el a dicidi di haci un cambio un poco radical.
“Mi a pensa di traha e tempo entre februari pa september, pero mino a logra haya trabou. No tin opleiding den HBO cubo por haci februari instroom, ta masha poco bota haya un of dos, pero no tabata cay bou mi interes. Mi a keda pensa kiko en realidad mi gusta, anto despues mi a bisa mi mes bo gusta traha cu mucha dus bay den e richting ey. Mi a keda busca y mi a logra haya pedagogisch medewerker. Dor cu HBO tabata mucho pami, mi a tuma decision di hasi mi journey poco mas largo y baha di niveau y bay un MBO. Algo cu hopi ta haci, pero algo cu hopi no ta compronde tampoco dicon nos ta hasie. Ami a haci esaki dor cu MBO bo tin e choice di cuminsa februari, e opleiding ta 3 aña, dus basically mino lo perde aña escolar. Pero tambe gewoon mino tabata cla pa e nivel di HBO. Otro aña mita caba mi estudio den fin di januari y elo ta mescos cumi no a keda sinta. Paso si mi a sigi mi opleiding communicatie milo a cabe tambe si tur cos a bay bon den 2018. “
Opcion na Aruba
E hoben ta bisa cu na Aruba no tin mucho opcion pa estudio, pero no solamente esey. E introducion na estudionan cu nos tin ta cuminsa mucho laat tambe. “nos tin cu promove locual nos tin mas di trempan. Ora mi tabata den examen klas, te e ora ey nos a haya un informatie dag di Universidad, caminda mi a hasi un choice caba pa bay Hulanda. Sigur cu si Universidad di Aruba tin basta opleiding pero toch limita. Hopi di nan ta rekeri cubo mester tin economie den bo pakket.”
E hoben ta loco pa bin bek su isla si. E ta bisa cu e ta kere plenamente den Aruba. Bon Dia Aruba a puntra e hoben kico el a siña na Hulanda pa cual el a contesta “Hulanda a siña mi cu lo bay tin hende cu kier wanta bo abou, ta bai tin persona cu lo envidia bo ora bo logra, pero ni maske cuanto nan purba nan no lo logra. Mita mas fuerte cu nan ta kere. Mi lo logra tur loke mi pone mi dilanti pa logra. Algo tambe cu Hulanda siñami ta cu distancia ta algo hopi delicado, e tempo cubo ta keda sin pasa cubo famia, paso bota studiante. Ta algo cu ta ponemi pensa ‘dicon pami ta un mihor persona den futuro mi mester laga tur esnan cumi stima?”
