Aruba con cos ta? Ey life comes at you really fast. Mi ta corda siman pasa mi a yama tur hende chichi pasobra nan tabata keha di awa friu riba Facebook. Poco dia despues mother nature akibanda a wak ami, hari y dal mi cu un temperatura di -16. I thought I was going to die, ma pidi pordon pa tur lo malo cu mi a yega di haci. Pero bon ban papia!

Akibanda cos no ta mucho bunita no, ta asina cu siman pasa Hulanda a mira un caso hopi tristo. Un hoben di 17 aña yama Orlando Boldewijn a sali pa meet up cu un date cu el a set up via un dating app y nunca mas a yega su cas. Si tristo ta e caso riba su mes, mas tristo ta cu polis a warda cuatro dia pa pone un Amber Alert y shete dia pa cuminsa busca. Y si no tabata pa e grito pa yuda di su amigonan riba social media podise e caso no lo a mira mucho media coverage tampoco. Su curpa a wordo haya den un saco preto den awanan di Den Haag, cerca di un luga cu yama Ypenburg.

Segun fuentenan di noticia na Hulanda, e prome dia cu su mama a duna declaracion na polis di su desaparicion e polisnan a contesta cu e no ta dje alarmante ey. Cu e hoben ta casi mayor di edad y cu e ta normal pa hobennan di e edad ey subi caya. Desde prome instante caba e negligencia di polis tabata presente. Boso ta corda e caso di Anne Faber algun luna bek? E hoben cu a bay riba un fietstocht y nunca mas a bin bek tampoco? Con despues di algun ora di su desaparicion te hasta marinier nan a sali busca e. Anne tabata un poco aña mas bieu cu Orlando tambe. Kico tabata e diferencia entre Anne y Orlando?

Orlando tabata un mucha homber di color, abiertamente homosexual cu tabata explorando bida y buscando amor mane hopi otro hoben su edad. Nos no ta ken pa husga e hoben su decision di conoce hende online, hopi ta haci esaki, hopi hende a haya amor di e manera aki.
Esey no ta descarta e peligernan di meet up hende straño via internet, claro cu no. Pero Mayoria di hende sa cu date ora bo ta homosexual simplemente no ta mesun cos cu date ora bo ta heterosexual. Esaki teniendo en cuenta homofobia y echo cu hopi no ta biba den nan berdad manera Orlando. Pues meet up hende den secreto no ta un fenomeno di otro mundo. Pa polis Hulandes, e tabata mas facil bisa cu e ta casi mayor di edad y cu hobennan awendia gusta keda afo di cas na luga di haci nan trabao. No tin un excuus pa e negligencia cu autoridadnan a mustra Orlando. Esaki ta simplemente un bon copi di racismo.

Ay mi hendenan, pa un pais cu ta predica tanto di inclusividad Hulanda ta laga asina hopi di desea. Anto esaki, esaki ta ehempelnan bibo di pakico iniciativanan manera #BlackLivesMatter ta necesario. Esaki ta exactamente pakico nos tin cu papia di racismo, homofobia, discriminacion y demas forma di opresion. Mientras mundo ta keda bira su lomba pa e maltrato di hendenan di color, hamas nos lo conoce paz. We scream black lives matter, because the world treats them like they don’t.

Ami tambe ta un mucha muhe di color mi so na Hulanda, cu mi tambe cualkier cos por pasa.

Y mi ta bon consciente cu mi no parce Natalee Holloway y mi no parce Anne Faber tampoco.

Hustamente pa e motibo ey mi ta extra paranoid riba mi propio siguridad. Hulanda ta wordo considera un di e pais nan mas sigur na mundo, pero sigur pa ken exactamente?