Mi hendenan, nos ta kinan den e “same old, same old”. Nada mucho interesante pasando kibanda excepto cu tempo ta masha raar y poco dia pasa mi a kere cu mi ta na Aruba gewoon. Asina un calor den pleno october, manera cu zomer a dal un birada y cana bin bek pero bon ban papia.

E siman cu a pasa sin nada di remarca excepto u Evelyn, Otmar y Ricardo ta mustra masha feliz banda di otro. Wel, pa bien estar di nos bunita isla ban spera nan por traha hunto berdad y saca nos pa dilanti, pasobra ami si ta loco pa bin bek. Fuera di sigui politica un poco, mi a bay volunteer na un evento pa scol. No solamente e tabata mandatorio pa e curso cual ta Music and Artist Management, segun regla nos no tabata mag di menciona riba social media cu nos lo ta eynan. Nos no tabata mag di uza e evento pa traha conexionnan y nos no tabata mag di drenta yen di e fiestanan tampoco. Entre dos dia mi a traha 18 ora para y mi tabata rond di yen hende famoso y importante, dunando nan badge, entre nan managernan di record labels di tur caminda rond di mundo. Nos meneer di scol a bende nos un idea bunita di con glorioso y importante e ta pa forma parti di e evento aki, pero nos niun a saca algo di dje excepto cansancio. Mi ta un poco fada di e manera cu Hulanda en general ta explota studiantenan. Tur cos bao di e nomber di “network” y crea “experiencia”.  Side jobnan na Hulanda ta paga studiantenan un miseria y mas hoben bo ta menos bo ta cobra cual riba su mes ta inhusto caba.

Nan a pone nos traha 18 ora gratis pa un grupo di hende cu mas placa cu nan por conta, pero bon. Mi a sobrevivi y mi a pone esey riba mi lista di the things I hate about Holland cu por cierto ta bira mas largo tur dia. Awo bek na mi titulo, pasobra cu un siman sin ningun suceso mi a bay haci locual tur hende cu mucho tempo den nan man ta haci: pensa riba coy kens.
E ta berdad cu mi tin masha hopi contexto, asina tanto cu tin ora mi ta lubida. Tempo mi tabata mas hoben mi tabata conoci pa ta problematico na scol. No cu mi tabata haci maldad of bringa, pero boso mes sa Yakari nunca por a cera su boca. Yakari semper ta caba cu paz tur caminda. Yakari semper tabata e payaso di klas. Tempo di MAVO nos tabata un click, den un manera di bisa. E tabata ami y dos of tres mucha homber mas, cu semper tabata haci bomboshi. E tempo ey, di e juffrouwnan mi tabata haya hopi backlash y mayoria di mi atardinan mi tabata pasa cerca e counselour paso den un manera mi actitud mester a wordo controla.

Pero bosa kico tabata pasa cu e mucha hombernan mi hendenan? Nan actitud tabata wordo celebra. Nan tabata bira prins cu pancho, nan tabata bay yuda e juffrouwnan verf cas y te ainda tin un di nan ta host e celebracion escolar di pasco tur anja. E Yakari di 13 anja tabata cuestiona esaki. Pero e Yakari di 13 anja, no tabata conoce feminismo, e no tabata conoce
E diferencia entre actitudadnan cu tabata acceptabel pa homber y esunnan cu tabata aceptabel pa hende muhe. E djis tabata su mes. Tur e preguntanan cu mi tabata tin tempo mi tabata un teenager mi twenties a encarga di contesta. Na final di dia, mi ta biba den un mundo unda hombernan por ta kico nan kier y muhenan mester ta keto. Pues e columna aki ta dedica na e muhenan brabo, esunnan pret, esunnan cu ta escandaloso, esunnan cu ta yena un luga cu nan presencia. Nan a laga sa nos ta demasiado, pero esunnan cu ta bisa esey casi nunca ta suficiente.