ta cobra tur luna, ricibi vakantie geld, bashi premie etc.
Desde cu nos a publica informacion di e conferencia di prensa hiba pa DRH, e video riba nos Facebook a genera hopi comentario cu ta mustra cu ainda no tin claridad riba ken por yena e mas di 250 vacaturanan habri den gobierno. Aki mas informacion di e conferencia cu lo por yuda trece claridad.
Actualmente casi no ta tumando hende di afo pa traha den gobierno pa no bisa cu esaki no ta tumando luga mes. Esaki ta un decision cu gobierno a tuma ya pa un tempo caba pa baha gasto. A puntra director Omaira Lares con hopi mas esaki ta bay dura. Tambe si Departamento di Recurso Humano (DRH) ta sinti cu awo gobierno ta mas consciente na momento di tuma un hende, pue cu nan ta educa suficiente pa e funcion y pa e no bira un dump politico. Sra. Lares a contesta: “Sigur no, nos tincu bisa cu nos tin hopi mas bista y mas influencia den e procedura di seleccion di personal. Tin un maneho cu a wordo presenta na minister di financia cu yama e “Vervangingsbeleid” caminda cu nos kier ta parti di e proceso di solicita den departamentonan. Locual cu nos ta wak hopi biaha ta cu por ehempel ora tin un funcion cu cierto rekesito di estudio manera por ehempel un estudio di Master como cu e persona mester skirbi, analisa entre otro. Anto ta manda pidi un cambio di posicion pa un persona cu tin un Mavo diploma, esaki no por. Si haci esaki di mes cu ta haya un dicrepancia grandi cu e calidad di loke cu ta bay ofrece no ta bon. Pues aworaki ta pidiendo pa ta parti di hasta e “interne vervulling”.” Sra. Lares a sigui bisa cu e coleganan nobo cu e tin na DRH ta wordo entrena con pa atende cu solicitud nan aki. Si tin un seleccion mas streng tumando luga, pa motibo cu ta imposibel cu por tuma un hende cu tin un diploma di Mavo, pa haci funcion di un academico pasobra no ta haya e calidad cu mester den servicio di e organisacion.
Pa aclarea Sra. Lares a bisa: “Ambtenaar nan ta kere cu pasobra nan solicita, nan mester bay e job fair dia 10 di mei. Pero tur lo no por bay. Si bo ta un contractant, bo a wordo tuma pa un cierto departamento pa un cierto funcion. Awo si bo a haya e funcion pa bira wardado di preso hopi interesante, esaki no por pasobra como contractant bo a wordo tuma den servicio pa e funcion ey, ey salario ey, na e departamento ey.” Si bo ta desea di cambia mester kibra e contract ey, pa bay traha pa un otro departamento bou di un otro ministerio, pues mester bay te na Ministerraad atrobe. Pues pa splica esaki poco poco Sra. Lares a bisa di manda mas informacion den prensa y na e departamentonan, apart cu e dia ey lo tin hende presente pa splica esaki na e personanan presente tambe.
Si bo ta un ambtenaar cu tin un disciplinaire procedure basta pisa contra bo, tampoco bo por bay pasobra bo mester termina cu e situacion ey prome na e departamento cu ta. “Con mi por bay tin un hende cu ta acusa of tin sospecho di dje di fraude, anto mi ta lage bay traha na un Hulpbestuurskantoor caminda cu tin placa.”
Salario di hendenen no activo ta varia. Segun Sra. lares tin hende den schaal 1, pero tin persona den schaal 14 y schaal 16 tambe. Ora cu mi ta papia di un promedio, esakinan ta riba schaal 7 pa schaal 9. Un persona den schaal 7 su salario ta yega te na 5000 florin pa luna, Ora cu ta papia di schaal 15 cual tambe tin algun ta yegando na 7800 pa luna, cual ta bay na un persona cu no ta trahando. Y mayoria di esunnan aki, no por intermedia pa nan tampoco pasobra ta trata problemanan cu no por duna nan un funcion cu ta pas. Segun Sra. Lares ta wak e lista e ta bisa cu tin un señora di 57 aña cu tin schaal 5 cual ta representa 3715 florin, pero DRH no por intermedia cun’e pasobra e ta un persona problematico. Asina e ta ilustra con at core for di salarionan di 2000 florin pa luna te na 7800 florin pa luna. A puntra e director si tin casonan di personan cu a bay busca nan derecho entre otro y si tin derecho di hues den e casonan aki. El a bsia cu ainda e casonan aki no ta asina leu como cu ta awo a cuminsa analisa e casonan. Como ta empleado publico, no ta nifica cu no por kita nan pero e proceso pa kita nan mester ta hopi mas cauteloso. Mester yama nan 2/3 biaha, prueba cu a duna nan un funcion cu ta a base di nan personalidad, nan estudio y nan experiencia. Cada biaha cu nan nenga mester documenta esaki, pa asina despues por bay corte cu nan. E cantidad di persona riba e lista di no activo ta 61 te con leu cu DRH sa, e director ta bisa esaki pasobra sa pasa cu departamento ta manda un hende cas, pero nan no ta informa DRH na tempo, esaki ta nan deber. “Tin biaha de paso ta haya sa ora cu a pidi personeelsbezettingslijst na januari y nos ta mustra lista di tur hendenan cu ta cay bou di nan departamento anto pa firma pa confirma cu e personanan y e total ta cuadra, e ora ta haya un papel cu ta bisa cu tin 3 cu ya pa dos aña unta trahando cu nos. E ora nan mester responsabilisa cu nan no a meld esaki nunca na DRH,” Sra. lares a termina.
