(USAToday) – Timothee Chalamet a crea sensacion riba “Saturday Night Live” di NBC na su di dos biaha como anfitrion. E actor, 27, a gaba di su background musical durante e monologo di apertura pa promove su proximo peliculanan awo cu e welga di SAG-AFTRA a yega su fin.
Sinembargo, ayera hende riba rednan social a reacciona riba un joke di SNL cu a haci referencia na e guera entre Israel y Hamas. Un usuario riba X a tweet: “SNL y Timothee Chalamet haciendo joke di Hamas memey di un guera cu te awo a cobra bida di mas di 4mil mucha ta teribel.”
Durante e skit di Chalamet cu Please Don’t Destroy, e personahe ta un musico aspirante cu kier caba cu su bida. “Mester tin un persona of algo cu bo tin sentimento p’e,” John Higgings, un miembro di e grupo di comedia, ta bisa personahe di Chalamet. “Mi ta kere. E ta mi musica,” Chalamet ta responde.
Despues cu e personahe di Chalamet ta toca un cantica pa e grupo, nan no ta impresiona. Pero toch e ta puntra, “bo lo compartie riba Instagram?”
E grupo ta puntr’e pa su nomber di usuario riba Instagram. “E ta Hamas, H-a-m-a-s,” e ta contesta. “Mi no ta bay comparti un cantica di Hamas riba Instagram,” Martin Herlihy di Please Don’t Destory ta contesta.
Otro usuario riba X a skirbi: “SNL dos siman atras tabata orguyoso di un monologo abierto tocante nan curason bayendo na esnan (afecta) pa e conflicto na Israel y Palestina, pa despues nan bin usa Hamas como un punch line.”
