(NLTimes) – TikTok tin plan di cumpli cu regulacion di privacidad di data Hulandes y Europeo, ademas di tin e intencion di trata e preocupacionnan di Gabinete y Tweede Kamer, segun Alexandra van Huffelen, Secretario di Estado encarga cu topiconan di digitalisacion na Hulanda.
Mayoria di Tweede Kamer a vocifera preocupacion luna pasa, bisando cu e data di e usuarionan Hulandes por caba den man di gobierno Hulandes. Miembronan di e partido di coalicion ChristenUnie tambe a vota pa un prohibicion completo di e aplicacion pa causa di falta di cumplimento.
E compania cu un compania doño Chino tras di e aplicacion a admiti cu nan no ta completamente cumpliendo sinembargo nan ta trahando riba resolve e problema aki, Van Huffelen a splica na reporteronan na e reunino semanal di Gabinete riba diabierna. “Mi ta pensa cu no solamente ta importante pa nan cumpli cu tur regla, sino mas cu tur cos pa nan comproba esaki. Nos lo mantene un bista riba esaki den futuro.”
Van Huffelen a bisa cu el a papia cu representantenan di e compania anteriormente den e dia. Nan tin intencion di crea un plan punto pa punto tocante con nan lo haci un miho trabao den maneho di data y tin intencion di provee acceso na su algoritmonan. Van Huffelen a bisa cu e gobierno no lo haci uso di Tiktok como un plataforma pa yega na e publico te ora cu e aplicacion ta cumpli cu tur e reglanan.
TikTok tin mas o menos 3.5 miyon usuario den e pais. E plataforma di rednan social den forma di video ta esun mas popular cu muchanan den Hulanda.
