E compania tras di e app TikTok lo acudi na tribunal pa combati un decreto di presidente Mericano, Donald Trump.
Presidente Trump ta exigi pa TikTok bende nan brasa Mericano den 90 dia, de lo contrario, Trump lo pone e app popular riba lista preto.
Solamnente si nan bende e brasa Mericano na un compania Mericano, presidente Trump lo bandona e decreto. TikTok a bisa CNN cu nan no tin ningun opcion mas, y mester haci loke presidente Trump ta bisa.
“Pa garantisa cu tin husticia y cu nos compania y nos usuarionan ta wordo trata den un manera husto”, el compania Chines a bisa.
Lo entrega e caso oficialmente awe. Merca ta mira un riesgo na siguridad nacional den TikTok. Gobierno Chines, via compania mama di TikTok lo yega na data di usuarionan Mericano, pero segun TikTok, esey no ta e caso.
Segun vocero di e app di video musical, nan a purba di aclaria cualkier preocupacion pero e Mericanonan no kier a responde.
