(NLTimes) – TikTok su empleadonan na China awo tin acceso na e usuarionan di Europa su data. Esaki ta den violacino di e leynan di privacidad Europeo, Expertonan Hulandes a conta NOS despues di a mira e plataforma di rednan social su declaracion actualisa di privacidad.
Te ainda no ta cla na ki tipo di data e empleadonan Chino tin acceso ni tampoco ki empleadonan tin e derechonan aki. NOS no por a haya un respuesta di TikTok. Den e terminonan di privacidad, e compania ta skirbi cu e acceso ta “limita y sigur” y “solamente permiti bao rekisitonan estricto di siguridad cu ta necesario y un protocol autorisa.”
TikTok ta usa un “contract standard” pa duna acceso di data na China. “Esaki ta un instrument aproba pa Comision Europeo,” Gerrit-Jan Zwenne, profesor di ley di privacidad na Leiden University a bisa na e noticiero. “Sinembargo e corte Europeo mas halto a declara cu mester tin garantianan adicional cual mi no ta mira cu TikTok.”
“TikTok por duna acceso na data di usuarionan Europeo solamente na empleadonan di China solamente si esaki no ta compromete e privacidad,” Pieter Wolters, profesor di ley civil na Radboud University a splica. “Esaki no por ta substancia den caso di China. Despues di tur cos, e ta hopi probabel cu TikTok lo duna e gobierno Chino acceso na data personal.”
E aplicacion popular di video ta parti di e compania Chino ByteDance. Mirando su origen Chino, tin hopi preocupacion pa cu e poder cu e gobierno Chino por tin riba e aplicacion. E compania mes a bisa cu nunca nan a comparti data cu e gobierno Chino y no lo haci esaki si nan ser puntra.
Segun China su specialista Frans-Paul van der Putten di Clingendael Institute, comparti data cu gobierno Chino no lo ta den TikTok su interes. Sinembargo pa motibo cu e pais ta considera TikTok un compania Chino, e por pidi acceso na data bao pretexto di motibonan di siguridad nacional.
TikTok ta e red social cu mas lihe a crece na Hulanda y actualmente tin mas o menos 3 miyon usuario activo den e pais, segun figuranan di e investigacion Newcom. Mita di e usuarionan Chino ta riba TikTok tur dia. E cantidad actual di e usuarionan activo posiblemente hopi mas halto. Newcom solamente a mira na e poblacion cu tin entre 15 aña bay ariba, y e aplicacion aki ta sumamente popular cu muchanan.
TikTok su cambionan di privacidad a causa cu e partido den coalicion ChristenUnie a haci yamado na Hulanda pa prohibi e aplicacion, argumentando cu muchanan no ta suficientemente proteha. E yamado no a ricibi hopi sosten den parlamento, aunke un mayoria den parlamento a pidi Gabinete pa sigura cu usuarionan Hulandes su data ta proteha.
Un corte Hulanda actualmente ta lidiando cu un demanda contra TikTok. E fundacion di privacidad Hulandes Take Back Your Privacy ta bisa cu e compania mester paga 2 biyon euro, argumentando cu esaki ta den violacion di e privacidad di mas o menos 1.5 miyon muchanan Hulandes.
