(NLTimes) – Mas di 1 den 3 negoshi online na Hulanda no ta haci nan informacion di contacto facilmente accesibel na clientenan, Consumentenbond a reporta riba diaranson. E organisacion a examina e website di por lo menos 100 di e tiendanan mas grandi na Hulanda y 31 compania di energia.
Desde mei di aña 2022, companianan ta rekeri di tin un number di telefon y e-mail pa clientenan riba nan website den un luga cu ta logico y facil pa mira. Solamente 37 di e 100 tiendanan ta haci esaki y mas o menos mita di e websitenan a provee un number di telefon pero no un email. Consumentenbond a nota cu e detayenan di contacto hopi biaha ta poni den e terminonan y condicionnan, cual no ta un sitio logico pa pone esaki.
Algun di e negoshinan online activo na Hulanda si ta pone un number di telefon y den ocasionnan uno internacional tambe, sinembargo segun Consumentenbond, nan no ta contesta yamada. Amazon, eBay y Shein no tin un number di telefon pa nan clientenan. Tambe a mira cu varios biaha no ta provee un email. Investigadornan no por a haya un email pa AliExpress, Amazon, Benu Webshop, Domino’s, Ikea y Nike. Despues di preguntanan, Benu y Domino’s a agrega nan email, mientras cu Ikea a declara cu nan lo haci esaki mas dentro di e aña. E resto no a contesta.
“Companianan mester mantene nan mes na e reglanan y ta facilmente accesibel. Demasiado frecuente, nan ta haci facil pa tuma contacto cu nan cu chatbot. Sinembargo esaki no ta suficiente,” director di Consumentenbond, Sandra Molenaar a declara. “Clientenan mester por facilmente tuma contacto cu un ser humano si nan kier,” el a agrega.
Consumentenbond a nota cu e proveedornan di energia a mehora e presencia online, cu tur 31 compania cu a encuesta cumpliendo cu e reglanan pa medio di provee detayenan di contacto, cual ta un mehoracion sumamente grandi compara cu anteriormente.
