Theo Kock di departamento DTP ta splica situacion tocante chauffernan cu mester core haciendo uso di gloves y mask pa asina proteha nan mes contra e coronavirus.
E ta bisa cu pa autobus y taxista no ta nada nobo cu mester cumpli cu criterio pa uso di prevencion di brote y coopera cu nan mes, mirando cu nan ta expone nan bida y di otro si tin contacto cu e virus.
For di cuminsamento, DTP a saca un rapport pa tur e ‘vergunninghouders’, pa asina yuda evita brote di COVID-19. Nan por usa mask di proteccion, nan a pidi pa tene cuenta cu diferente aspecto pa evita transmision, y usa hand sanitizers den auto.
Tambe nan ta bisa pa chauffeurnan tene cuenta cu si den auto tin persona cu ta mustra sintoma, mester comunica cu DVG y nan lo purba yuda duna mas informacion con pa trata cu e situacion.
Taxista y busnan ta persona cu ta directamente exponi, mirando cu ta atende cu persona y e virus ta keda den aire. Pa e motibo aki, ta pidi pa mantene distanciamento social entre persona, pa asina no keda infecta. Nan ta bisa si tabatin den stock pa yuda hende, nan lo yuda te unda cu nan por.
Nan lo por wak den crisis e disponibilidad cu nan por tin pa yuda, pa asina keda evita e propagacion. E ta bisa tambe pa auto di transporte publico core cu bentana abou of completamente habri, pa circulacion di aire pa evita cu e virus keda cera paden di e auto.
