E euforia pa ‘La Casa de Papel’ ta sigui vigente un luna despues di estreno di su di cuatro temporada, y un di e hende mas recien pa join e tendencia tabata e cantante Mexicano, Thalia, kena recrea, danki na TikTok, un escena emblematico den e historia di e atracadonan mas famoso di mundo.
Thalia a mantene su mes hopi activo durante cuarentena pa coronavirus cu ta bibando na henter mundo. Durante e tempo aki, e tambe actriz a disfruta di tempo cu su famia, su mascota y hasta creando contenido creativo pa su rednan social.
Asina, durante ultimo dianan el a lansa varios reto y hasta a recrea un escena di e serie Spaño di Netflix, cu cual el a recorda un di e peleanan di e personahenan mas recorda: ‘Nairobi’ y ‘Palermo’. Riba su cuenta di TikTok, Thalia a publica un video di su interpretacion di un secuencia cu ta aparece den capitulo dos di e segundo temporada di e famoso serie.
Den e escena original, ‘Estocolmo’ y ‘Denver’ ta bringa pa nan nobo incursion den e Banco Nacional de España, te cu nan ta wordo interumpi pa nan compañeronan di e banda. Esunnan mas involucra den e discusion ta ‘Nairobi’ y ‘Palermo’, kende ta bringa pasobra e prome ta ataca e ‘patriarcado’ y e otro ta usa terminonan machista.
Den su version, Thalia a interpreta tres personahe: esun di Alba Flores, Rodrigo de la Serna y un espectador bisti cu un bata di seda ros.
E tres personahe ta interactua y pronuncia e dialogo conoci, manera esun di Palermo: “Patriarcado, paradigma bieu y su multiple machismo… bo sa, cua ta e berdadero patriarcado? Esun cu mi tin aki colga.” Of e contesta di Nairobi, kende ta reacciona rabia: “Abo ta un machista, bo ta un ‘gilipollas’, bay bo camber.” E tercer papel di Thalia ta djis mira con e secuencia ta desenvolve mientras ta come cornflakes.
Thalia a publica e video ayera, y apenas algun ora despues di publicacion, a genera mas di 10,500 ‘Me Gusta’ y casi 400 comentario.
