(AP) – Solamente un luna despues cu Thailand su hippo baby adorabel Moo Deng a ser revela riba Facebook, su fama a bira inparabel.
Fanaticonan no por a bay Khao Kheow Open Zoo for di e capital Thailandes Bangkok pa mir’e den persona, por wak su videonan online of simplemente keda pendiente riba rednan social pa disfruta di tur su memenan.
Empleado di e Zoo Atthapon Nundee tin alrededor di 5 aña ta publica video di e bestianan den su cuido. Nunca el a imagina cu e Zoo su hippo pygmy recien naci lo bira un celebridad riba internet dentro di simannan.
Autonan a cuminsa yega den rij pafo di e zoologico prome cu el a habri diahuebs. Bishitantenan a biaha for di cerca y leu pa un chens pa mira Moo Deng, e baby expresivo di 2 luna na e zoo den persona. E parti unda Moo Deng ta biba cu su mama, Jona, tabata yen casi inmediatamente, cu personanan gritando y aplaudiendo cada biaha cu e baby tabata move.
“E tabata mas di loke mi a spera,” Atthapon a conta The Associated Press. “Mi tabata kier hende conoce. Mi tabata kier pa hende bishit’e, of wak e online, of laga comentarionan divertido. Nunca mi lo a pensa riba esaki.”
Moo Deng, cual literamente ta nifica “bouncy pork” den Thailandes, ta un tipo di bala di carni. Su nomber a ser scogi via un encuesta riba red social y e ta match su demas rumannan Moo Toon (porco stoba) y Moo Waan (sweet pork). Tambe tin un hippo comn na e zoo cu e nomber Kha Moo (pia di porco stoba).
“E ta un bala chikito. Mi kier lor’e y guli’e henter!” fanatico di Moo Deng Areeya Sripanya a comenta mientras e tabata bishita e zoologico diahuebs.
Su cara ta dorna meme di e club di futbol FC Bayern, ekipo di basketball Mericano Phoenix Suns y ekipo di futbol Mericano Washington Commanders, ademas di New York Mets. Manipulacion simpel di potret ta pone su cara den un variedad di situacionnan similar na loke ser humano por experiencia.
Negoshinan tambe, a utilisa su imagen. Sephora Thailand tin un tip di make-up, “usa bo blush manera un hippo baby,” enfatisando su cachetenan ros, mientras cu e aplicacion di delivery di cuminda Grab Thailand a imagina cu potretnan ki tipo di cumindanan e lo decora.
Cu tur e fama aki, director di e zoologico Narongwit Chodchoi a bisa cu nan a cuminsa e proceso di proteha “Moo Deng the hippo” pa preveni cu e bestia lo ser comercialisa pa otro hende. “Despues cu nos haci esaki, nos lo tin mas ingreso pa sostene actividadnan cu lo haci e bida di nos bestianan miho,” el a comenta,
E zoologico ta cas di mas di 2,000 bestia. E ta opera programanan di cria cu varios especie den peliger manera Moo Deng. E hipopotamo pygmy ta nativo di West Africa y ta menasa pa poaching y perdida di habitat. Actualmente tin solamente 2,000 pa 3,000 di nan den selba.
Pa yuda financia e iniciativa, e zoologico ta creando t-shirt y carson di Moo Deng cu lo ta cla pa benta pa fin di siman, cu mas merchandise binidero.
