Ayera Noord Korea a bolbe lansa un otro misil anto esaki ta esun cu a bay mas leu te ainda. E actonan aki di e ‘estado secreto’ aki ta causando division entre podernan mundial cu a uni tras di sancionnan nobo di Nacionnan Uni algun dia pasa.
Merca a bisa cu China ta esun cu mester responde Noord Korea, cual ta su aliado principal, anto Rusia, kende tambe tin conexion cu e regimen den Pyongyang. Pero China a bisa cu Merca ta purba nenga nan propio responsabilidad, mientras cu Rusia a condena e retorica “agresivo” di Merca. E misil cu a bula over di Hapon ayera tabata tin e capacidad pa dal den teritorio Mericano na Guam.
