Muchanan y Mayornan, e momento a yega pa mi por duna mi pensamento y laga atras mi testament.

Prome cu tur cos mi kier a felicita mi Mama/Machi Carnaval cu su 70 aña y bis’e cu no worry pasobra mi ta mira cu e lo t’ey pa hopi tempo mas cu nos. Mi a mir’e ta goza y baila, m’a wake yora y hari, te hasta m’a bira jaloers ora cu hopi hende a bras’e pa e por lanta para y luci mas cu nunca e aña aki.

Pabien Machi y Aruba completo

Despues di a drumi masha tiki ora den weekend aki, machi a bisa mi cu mi mag di duna mi pensamento y yuda guia carnaval di nos muchanan.

Awo como Rey di caminda mi ta cla pa duna mi testament infantil/hubenil pa Carnaval 70.

SMAC mi sa cu hunto nos traha pa sigui haci nos carnaval di Mucha mas grandi ainda.

Momito a sinta cu hopi hende pa papia di Carnaval di mucha, Momito a lesa hopi comentario pa por compronde kico tur hende ta desea y esaki ta mi conclusion.

Ata ki un parti di mi testament

1. Momito a keda hopi contento cu carnaval di nos muchanan, mi a mira un parada yena cu fantasia y hopi luho y cu hopi mucha gosando. Pa otro aña cu no ta un aña di celebracion grandi, Momito kier mira mas scol y bario participa den parada di mucha pa asina No laga e gruponan bira menos. Mayornan, lidernan ban sigui yuda e gruponan y scolnan pa sigui engrandece paradanan di mucha.

2. Momito ta un poco tristo si, paso mi a mira hopi mucha hopi chikito den oranan di anochi laat riba caya. Momito ta desea pa por pone un centro di straf pa mayornan cu no tin horea y cu no ta mira e peliger cu tin den anochi laat cu nan yiuchinan riba caya.

3. Durante di paradanan di mucha tambe Momito a mira hopi mucha ta yora paso nan no kier baila den parada y tabata haya zundra di nan mayornan. Momito ta hopi feliz cu mayornan kier haci Momito orguyoso, pero no forsa nan. Laga nan bay paradanan chikito prome pa despues bin e fiesta grandi mes riba caya cu MOMITO y su amiguitonan.

6. Momito gusto hari paso e ta haci momito keda jong pero tambe mi kier mira mas participacion di Prins cu Pancho.

7. Mi a hera muri dood ora cu mester a cuminsa eleccion di Reina infantil Hubenil hopi laat. Momito ta contento di mira mas Reina infantil y hubenil participando pero SMAC corda riba e pañanan di carnaval mas tempran. Momito lo pone su cosedonan stand by pa Carnaval 71 y cu e mashin di SWIPE si SMAC no cumpli.

8. Momito gusta con nos muchanan ta baila den paradanan di carnaval pero si mi kier a pidi mayornan y leidsternan pa no stroba e mironesnan cu kier mira e muchanan luci nan paña. Tin grupo cu asina hopi leidster of mayornan cu ta baila riba e muchanan cu bo ta perde e fantasia for di bista. Group leader please controla esaki.

9. Momito a lesa y scucha hopi critica cu no ta laga nos muchanan canta den parada nan cancionnan di Tumba of Roadmarch, Mi a mira cu den paradanan di muchanan y escolar mas mucha a canta. Hopi contento pero please bandanan si por train of maske acepta e pista pa wordo graba den studio pa asina nos muchanan por canta durante paradanan momito lo gosa mas ainda di Carnaval. SMAC por pone esey como premio pa haci grabacion den studio. Y DANKIIIII na tur banda cu a laga nan canta.

Awo si mi ta cla pa boso kima mi, y corda brasa otro, stima otro, no bully, no kibra nos gana di carnaval, engrandece cu tur cos cu por y DANKI NA TUR E GRUPONAN CU A HACI NOS CARNAVAL DI MUCHA GRANDDDIIII Y BUNITA…. Te otro aña.

Ta despedi

Momito Prins Di Carnaval Infantil Di Aruba