Un vacuna contra coronavirus cual ta ser desaroya pa e farmaceutica Janssen Biologics na Leiden lo ser proba riba humano na cuminsamento di juli. E compania propiedad di e multinacional Mericano Johnson & Johnson,, a programa e fase di test pa september, pro a bisa cu e resultado positivo a permiti cu e investigadonan a adelanta.
Hulanda cu a compromete pa promove y facilita e produccion di virus, pero no a inverti den su desaroyo , tin regulacionnan estricto tocante e testnan, locual ta significa cu e testnan lo tuma luga na Belgica y Merca. Alrededor di 1045 sano entre 18 y25 aña lo participa de un estudio dobel ciego cu lo duna e investigadonan contesta tocante e seguridad di e vacuna y su capasidad pa haci cu e curpa produci anticurpa.
E produccion di e vacuna lo tuma luga na Leiden, Merca y posiblemente Asia, e compania a bisa. A pesar di e falta di resultadonan di testnan ya ta a ser estableci un obhetivo di mil miyon di dosis pa 2021. “ Si e vacuna no funciona, nos tin cu destrui esaki. Esaki ta e riesgo cu nos ta tumando”, e investigado principal di Janssen y profesor di virologia di UvA Hanneke Schuitemaker, a bisa AD.
“ Pero si e funciona, nos kier duna mundo mas lihe posibel”. Sinembargo e documento ta señala, apesar di e promesanan di Janssen di cu e vacuna lo ser dividi bastante entre e paisnan, presidente Donald Trump, kende su gobierno a inverti mey biyon dollar den e desaroyo di e vacuna, ta posibel cu e ta desea di reclama e vacuna produci pa Merca.
