Despues cu hopi duda a ser crea, porfin tin un prueba cu e dokter Jan Karbaat, kende tabata specialisa den e proceso di insiminacion, a uza su propio ‘simia’ durante e proceso. Karbaat mes a fayece na 2017.
Tabata un total di 49 persona cu tabata den duda si nan ta yiu biologico di e dokter. Despues di a cana caminda di corte, hues a duna permiso pa nan por a haci un test di DNA, cual a comproba cu tur 49 persona ta yiunan biologico di Karbaat.
Abogado Tim Bueters cu tabata asisti e grupo a keda satisfecho cu e resultado, cual ta trece un fin na hopi aña di duda pa su clientenan. Apart di tabata insimina muhenan den su clinica na Barendrecht, e dokter Jan Karbaat tabata tin 22 yiu cu e la reconoce.
E potret uza ta di nos.nl, cual ta mustra e momento cu algun di e personanan tabata brasa otro ora cu hues a permiti pa nan haci un test di DNA.
