Ta dificil pa imagina esaki tumando luga awendia, pero hopi aña atras, hende tabata tira tur sorto di desperdicio directamente den lama, incluyendo auto bieu y desperdicio di cas, cual mas cu claro tabata inclui cantidad di glas.

Durante 30 aña, e olanan tabata haci e beach limpi, door di kibra tur cos excepto glas y klei. E olanan tabata laba e sushi ariba y abao, bay bin. Tonelada di pidanan di glas kibra, polish, a wordo crea pa e surf di lama. E particulanan di glas liso, di color, a keda para riba beach den nan miyones, y asina ta con por haya e pidanan bunita y colorido aki riba e beachnan di costa nort di Aruba.

Specialmente riba e strip di santo blanco entre e famoso Natural Bridge y e anker grandi enorme cerca di Grapefield beach, por haya bo propio piedanan di cristal marino. E cristal marino cu a wordo crea ta producto di un proceso hopi largo y interesante. Por dura entre 10 pa 30 aña pa forma cristal marino.

E nomber pa cualkier pida glas cu haya su caminda den ocean y draai den awa suficientemente largo ta ‘cristal marino’ (sea glass).

E pidanan di glas colorido ta ser usa pa decoracion, crafts y joyas. Unabes glas cay den ocean, e ta kibra den pidanan y lora den awa, unda santo y otro piedranan ta actua como schuurpapier pa suavisa su randnan skerpi. Tin biaha e cristal marino ta wordo pasa door di candela, e ta bira cristal candela, (fire glass) e forma mas inusual di cristal marino cu cierto inclusion, mescos cu joyanan precioso.

Pa añanan, e awa ta bati contra diferente sorto di desperdicio benta. Glas, aparatonan domestico y hasta parti di motor a wordo laga atras riba beach. E olanan y condicionnan climatico a desgasta e cantidad abrumante di desperdicio den awa, creando miyones di piedra liso bunita.

Ta dificil pa kere e erornan sin vision cu tabata comete, cu por a potencialmente daña e bunita beachnan aki. Pero danki na procesonan natural, e ocean a transforma e desperdicio den e cristal marino.

Cada joya di color riba beach tin su propio storia.

E cristal color cora rubi tipicamente ta di luz patras di autonan bieu. Esunnan blauw safiro ta restonan di boternan di botica kibra. Esunnan mas comun y esunnan mas facil pa haya ta esunnan bruin (cerbes Amstel y Polar), berde (Heineken y Balashi) y transparente, cual ta e boternan hopi stima di soft drink.

Si bo kier mira e cristal marino pa no mes y keda asombra pa e poder di naturalesa, explora nos beachnan den banda nort di e isla. Por hacie un dia familiar dibertido!

Hasta si nos no tabatin intencion di contamina e beachnan manera nos a haci, ta inspirador pa mira con Tera por coregi nos erornan, convirtiendo nos desperdicio den tesoro.