E crecemento meteorico di accion di Tesla cu recientemente a pusha e balor di e compania riba $100 biyon, pronto por converti den un pago enorme pa CEO, Elon Musk.
Stock di Tesla Inc. a aumenta otro 4.1%, pushando e balor di mercado di e fabricante di vehiculo electrico y panel solar riba un marca critico den pakete di pago di Musk. E por ricibi un pakete di opcion di stock na balor di mas di $371 miyon.
Accion di Tesla a cera na $569.56 siman pasa, dunando e compania un capitalisacion di mercado di $102.7 biyon. Accion a triplica den balor desde mei ultimo, nificando cu capitalisacion di mercado di Tesla awo ta surpasa e balor di Ford y General Motors, combina.
Pa Musk, alcansando $100 biyon den balor di mercado ta duna impulso na un opcion pa cumpra 1.69 miyon accion di stock di Tesla pa $350.02 pa accion. Si e bende esaki, e por gana tiki mas di $371 miyon.
Pero pa esaki, e capitalisacion di mercado mester tin averahe riba $100 biyon pa proximo seis luna, y mester ta mas di $100 biyon durante proximo 30 dia laboral, segun e pakete di compensacion detaya den documentonan di e compania cu US Securities and Exchange Commission.
Musk por haya mas pago di stock pa cada aumento adicional di $50 biyon den capitalisacion di mercado. Alcansando capitalisacion di mercado ambicioso y marcanan operacional, e por gana mas di $50 biyon durante proximo decada si e balor aki alcansa $650 biyon.
Den tercer kwartaal, Tesla a post un ganashi sorprendente di $143 miyon, aumentando speransa cu e compania, cu tambe ta fabrica unidad di almacenahe di bateria, finalmente por bira skina pa rentabilidad.
Pero Tesla a post mayormente perdida durante su prome decada como un compania publico, y a perde $1.1 biyon durante prome mita di aña pasa. Recordnan di e compania ta reporta resultadonan di ultimo kwartaal dia 29 di januari.
