Tesla actualmente ta retirando for di mercado un cantidad di 817.00 auto na Merca debi cu e zonido cu mester keda zona na momento cu e persona mester bisti e seat belt no ta cende na momento cu e auto start.
E autonan cu nan a baha di mercado ta e sedan Model S y e SUV Model X di 2021 y 2022. Pero tambe e Sedan di Model 3 di 2017 pa 2022, SUV Model Y di 2020 pa 2022 tambe.
E leynan di seguridad di vehiculonan di motor ta exigi cu e zonido di advertencia cu e chauffeur no tin su faha bisti mester zona asina cu e auto start.
Tesla lo traha riba e problema y lo bin cu un solucion unda cu lo actualisa un sofware cu lo trata di keda cla pa fin di e luna aki. E agencia di seguridad a duna di conoce cu sin e zonido aki e chauffeur no ta na altura cu su seat belt ta bon ahusta y esaki por trece consecuencia na momento cu presenta un accidente y por haya hopi sla si e faya di seguridad no ta adecuado bon ahusta.
Sinembargo te na e momentonan aki no tin un accidente registra debi na e problema aki , pero cu ta un problema mas visual di e faha di seguridad.
E problema a keda descubri pa e instituto di investigacion y prueba di autonan di Sur Korea dia 6 di januari ultimo. Esaki ta e retiro mas grandi den historia di autonan na EE.UU di e compania Austin Texas. Sinembargo e siman cu a pasa e agencia a duna di conoce cu Tesla lo retira tur e autonan y lo mester busca un solucion pa esakinan prome nan subi mercado.
